閱讀到底有咩用？ 打開一本書，其實係透過作者嘅眼界，去感受佢嘅所見所聞、思維同感情。好似自傳咁，作者用畢生經歷濃縮成一本幾萬字嘅書，我哋只需用一百幾十蚊買入，就可以體會佢嘅人生——呢個「旅行」，實在相當划算。 閱讀係一種輸入，每一行讀入腦嘅字，都係靈魂嘅「裝飾」。如果無足夠嘅裝飾，當我哋要表達嘅時候，往往只剩低「好靚」或「好正」呢啲蒼白嘅描述；但如果有咗閱讀嘅底蘊，我哋先可以真正做到「我手寫我口」，有力咁訴說自己嘅觀點，令混亂嘅思想變得清晰。 所以，閱讀到底有咩用？ 用處就係：唔使再淨係講「好正」。🤣 #鄧銘心議員 #全民閱讀 #十五五 #香港書展 #多元化閱讀 #書香社會 #文化融合 ＃豐富人生