人力事務委員會｜推行地盤全面禁煙以提升安全的法例修訂建議｜30/03/2026
【地盤全面禁煙｜實際可行的考量】
大埔宏福苑火災嘅悲劇，令社會各界都十分痛心，亦都令大家意識到防火工作係至關重要。所以，我十分支持地盤全面禁煙。而事實上，業界對於提升工地安全持積極嘅態度，好多地盤早已自行實施禁煙「家規」。
法例嘅修訂必須兼顧落實嘅可行性同公平性，大家可以想像，地盤動輒萬呎，仲有無數隱蔽嘅「暗角」，要完全監管實在有一定嘅困難。如果有人偷偷違規，而承建商已經盡力做足規章、巡查、警示，法例應該要保障盡責者免受刑責。
所以會議中，我向局方建議法例必須加入「合理辯解」同免責條款。「嚴而有理」嘅法規，先可以令業界更積極參與，從而真正保障每一位工友嘅健康同生命安全。
留言