立法會工作｜經民聯香港對接國家「十五五」規劃建議發布會｜ 30/03/2026
【抓緊機遇，連繫「根」與「橋」】
可能有人會問，城市嘅發展重點應該係經濟同科技，點解關文化事？
係嘅，經濟同科技固然重要，但文化係一個城市嘅靈魂。當大家講起香港呢顆東方之珠，唔應該只有高樓大廈同GDP數字，更應該有觸動人心嘅香港故事、有根脈相連嘅認同以及走向世界嘅精神。
「根」繫嶺南。香港同大灣區各市同根同源，粵語、粵劇、涼茶、醒獅⋯⋯呢啲都係我哋共同嘅傳統文化。而將香港打造成「嶺南文化創意產業龍頭」，正正係畀我們係文化根源中汲取養分，再以香港人嘅創意賦予新生。
「橋」通世界。 香港嘅獨特優勢，從來都係「背靠祖國、聯通世界」。從「十四五」嘅「支持發展」，到「十五五」嘅「深化建設」，國家對香港文化角色嘅定位越嚟越清晰。我哋有國際視野、有自由市場，完全有能力成為中國文化「走出去」的重要樞紐。
根深方能葉茂，橋通才可致遠。香港以文化為紐帶，既紮根嶺南，亦聯通世界，期待向世界說好香港故事、大灣區故事以至中國故事。
留言